SFDocuments.Calc zerbitzua

SFDocuments liburutegi partekatuak LibreOffice dokumentuak kudeatu eta maneiatzea errazten duten metodo eta propietateak eskaintzen ditu.

SFDocuments.Calc zerbitzua SFDocuments.Document zerbitzuaren azpiklase bat da. Document zerbitzurako definitutako metodo eta propietate guztiak Calc zerbitzu-instantziaren bidez ere atzitu daitezke.

Calc zerbitzua honetarako da:

• Calc dokumentu bateko orriak kudeatzeko (kopiatu, txertatu, lekuz aldatu, etab.)

• Basic datu-egituren eta Calc barrutien arteko datuak trukatzeko

• Datu kantitate masiboak kopiatzeko eta inportatzeko

Laguntza-orri honek Calc dokumentuei soilik aplikatu dakizkiekeen metodoak eta propietateak deskribatzen ditu.

Zerbitzuari deitzea

Calc zerbitzua erabili baino lehen, ScriptForge liburutegia kargatu edo inportatu behar da:

• Basic makroak erabiltzkeo, ScriptForge liburutegia kargatu behar da honako instrukzioa erabiliz:
GlobalScope.BasicLibraries.loadLibrary("ScriptForge")

• Python scriptak erabiltzeko, berriz, scriptforge modulu baten inportazioa behar dute:
from scriptforge import CreateScriptService

Calc zerbitzua eta UI ScriptForge liburutegiaren zerbitzua estu lotuta daude. Behean ageri dira Calc zerbitzua deitzeko moduak adierazten dituzten zenbait adibide.

Beheko kode-zatiak uneko Calc dokumentu aktiboari dagokion Calc zerbitzu-instantzia bat sortzen du.

    Set oDoc = CreateScriptService("Calc")
  

Calc zerbitzuaren beste instantzia bat sortzeko beste modu bat UI zerbitzua erabiltzea da. Hurrengo adibidean, Calc dokumentu berria sortzen da eta oDoc elementua Calc zerbitzuaren instantzia bat da:

    Dim ui As Object, oDoc As Object
    Set ui = CreateScriptService("UI")
    Set oDoc = ui.CreateDocument("Calc")
  

Edo UI zerbitzuaren OpenDocument metodoa erabilita:

    Set oDoc = ui.OpenDocument("C:\Documents\MyFile.ods")
  

Posible da, baita ere, Calc zerbitzuaren instantzia bat sortzea CreateScriptService metodoa erabilita:

    Dim oDoc As Object
    Set oDoc = CreateScriptService("SFDocuments.Calc", "MyFile.ods")
  

Goiko adibidean, "MyFile.ods" dokumentu-leiho ireki baten izena da. Argumentu hori ematen ez bada, leiho aktiboa erabiliko da.

Gomendagarria da baliaboideak askatzea erabileraren ondoren:

    Set oDoc = oDoc.Dispose()
  

Hala ere, dokumentua CloseDocument metodoa erabilita itxi bada, ez da beharrezkoa baliabideak askatzea goian deskribatutako komandoaren bidez.

    myDoc = CreateScriptService("Calc")
  

    ui = CreateScriptService("UI")
    myDoc = ui.CreateDocument("Calc")
  

    myDoc = ui.OpenDocument(r"C:\Documents\MyFile.ods")
  

    myDoc = CreateScriptService("SFDocuments.Calc", "MyFile.ods")
    myDoc.Dispose()
  

"SFDocuments." aurreizkia erabiltzea aukerakoa da zerbitzuari deitzen zaionean.

Definizioak

Metodo askok "Orria" edo "Barrutia" behar dute argumentu gisa. Gelaxka bakunak Range elementuaren kasu berezitzat hartzen dira.

Biak ala biak kate gisa edo erreferentzia (=objektu) gisa adierazi daitezke, egoeraren arabera:

• Calc instantzia espezifiko batean, orriak eta barrutiak kate gisa ematen dira, adibidez "Orria1" eta "D2:F6".

• Horrez gain, .Sheet eta .Range propietateek Calc zerbitzuaren beste instantzia batetik deitutako metodo baten argumentu gisa erabili daitekeen erreferentzia bat itzultzen dute.

Beheko adibideak (soilik irakurtzeko moduan eta ezkutuan irekitako) A dokumentuko datuak B dokumentura kopiatzen ditu.

    Dim oDocA As Object, oDocB As Object
    Set oDocA = ui.OpenDocument("C:\Documents\FileA.ods", Hidden := True, ReadOnly := True)
    Set oDocB = ui.OpenDocument("C:\Documents\FileB.ods")
    oDocB.CopyToRange(oDocA.Range("SheetX.D4:F8"), "D2:F6") 'CopyToRange(source, target)
  

    docA = ui.OpenDocument(r"C:\Documents\FileA.ods", hidden = True, readonly = True)
    docB = ui.OpenDocument(r"C:\Documents\FileB.ods")
    docB.CopyToRange(docA.Range("SheetX.D4:F8"), "D2:F6")
  

SheetName

Sartu orri-izena .Sheet propietateak ekoiztutako string edo object gisa.

"~" (tildea) lasterbideak uneko orria ordezkatzen du.

RangeName

Uneko instantziako orri batean kokatutako elkarren ondoko gelaxken multzo bat adierazten duen kate bat edo .Range propietateak ekoiztutako object bat.

"~" (tileta) lasterbideak ordezkatzen du uneko hautapena edo hautatutako lehen barrutia, barruti anitz hautatuta badaude.

"*" lasterbideak erabilitako gelaxka guztiak ordezkatzen ditu.

Orri-izena aukerakoa da barruti bat definitzean. Ez bada izen-orririk ematen, orri aktiboa erabiliko da. Inguruko komatxo bakunak eta $ ikurrak onartzen dira, baina ez ikusiarena egiten zaie.

OrriIzena kate gisa zehaztean, orri-izena inguratzen duten komatxo bakunen erabilera derrigorrezkoa da izenak zuriuneak (" ") edo puntuak (".") baditu.

Beheko adibideetan ikus daiteke zein kasutan erabili behar diren derrigorrez komatxo bakunak:

      ' Komatxo bakunen erabilera aukerakoa da
      oDoc.clearAll("SheetA.A1:B10")
      oDoc.clearAll("'SheetA'.A1:B10")
      ' Komatxo bakunen erabilera derrigorrezkoa da
      oDoc.clearAll("'Sheet.A'.A1:B10")
    

CurrentSelection propietatean salbu, Calc zerbitzuak gelaxken barruti bakunak soilik hartzen ditu kontuan.